ඔයා දන්නැ

ඉස්සර වගේ දැන්, කවි වල හංඟලා
ඔයා ගැන ලියන්නට හිතක් නෑ 
අහසෙ හිස් තැන් වලට, කළු පාට ගෑවාම 
වැහි මිසක ඉර එලිය වැටෙන් නෑ... 

ඔයා පස්සෙම වැටිල, පියාඹපු සමනල්ලු
උන් නම් කියන දේ ඇහුවෙ නෑ 
නින්ද නැති දාට මං, උන්ගෙ තටු පොඩි කලා 
ඒ උනත් තවම උන් මැරුනෙ නෑ... 

ඔයාගේ ඇස් වලින්, මගෙ හිතේ මල් මහපු 
ඉඳිකටු පාර නම් මැකෙන් නෑ 
ඒ පාර දිගේ මං, රතු රෝස පැල කලා 
දැන් ඉතින් බය වෙන්න දෙයක් නෑ...

සඳ කිඳුරු ජාතකේ, කින්නරිය මරුනාට
කවුරුවත් ඒ වගේ මැරෙන් නෑ
ඔයා දන්නැතුවාට, පපුව පැලුනට පස්සෙ
ජීවිතේ ගෙවන එක ලේසි නෑ... 
WW (Dewrangi)
20 May 2018